無綫助理總經理（藝員管理及發展）樂易玲今日（28日）出席《2025香港小姐競選》候選佳麗會晤評判記者會，公布大會評判邀得楊傳亮、何芷韻、何猷啟、孫鍾婉琪、羅揚傑擔任。「最上鏡小姐」評判包括任達華、余安安、樂基兒、簡耀宗。
對於邵氏兄弟控股有限公司日前發公告宣布，自2025年8月25日起：公司執行董事樂易玲不再擔任香港聯合交易所有限公司證券上市規則第3.05條項下的公司授權代表，及香港法例第622章公司條例第16部項下代公司於香港接收法律程序文件及通知的授權代表，而執行董事顧炯先生已獲委任為授權代表及法律程序代理人。樂易玲今天回答傳媒時說：「對於一間上市公司其實係好正常嘅事，我向來都係邵氏執行董事，負責業務發展及藝人管理方面，公司嘅發展係我負責，但如果聯交所要問關於財務問題或者IPO的問題，搵專業嘅人士解答係好正常，既然顧總已由三月加入集團，已經好了解公司裏面一切情況及運作，所以公司係誠邀佢去處理呢方面嘅問題，其實一間上市公司呢啲係好正常嘅活動，亦都唔應該我講呀，咁你問我關於IPO嘅嘢，梗係搵返啲好專業嘅人講。（即係正常人事變動？）唔係人事變動！無變動，只係以前我哋未有呢位咁專業嘅人，我兼埋處理，聯交所打嚟呢，通常係打畀我哋公司秘書，或者打畀我問關於財務問題，當時公司都有我哋嘅Financial Controller，律師及公司祕書，我哋大家都會一齊搞掂咗，頂住，而家既然我哋有另外一個執行董事顧總到咗，而顧總亦都真係一個好專業嘅人，咁我覺得有佢幫手咁梗係最理想不過，對於上市公司發展係必然。」
更多現場圖輯：
