《寵你一世》由戴祖儀、陳懿德、游嘉欣主持，本周六播出的一集請來洪永城（Tony）帶同愛犬Molly挑戰水上活動，以及馮盈盈帶愛犬波子到影樓拍攝寫真。Molly是Tony四年前透過動物領養中心，從繁殖場收養回來的狗仔，他感激Molly為其一家四口帶來不少快樂回憶：「佢係大家姐，幫我睇住兩個妹（兩個囡囡），亦提供咗好多歡樂畀我哋。」因怕酷熱天氣令Molly不舒服，Tony不斷貼心地將海水潑到Molly身上，事後他說：「比起照顧小朋友真係更加攰，要驚佢周圍亂食嘢、又要驚佢衝落水踩到玻璃，雖然攰，但對我哋係難忘嘅體驗。」
Tony又分享了Molly的「尋親」故事，事緣Tony太太梁諾妍在社交平台分享Molly生活照，有狗主私訊她指家中愛犬與Molly的笑容好相像，經聯絡及交換晶片號碼後，發現Molly原來是對方狗狗的母親，Tony說：「然後陸陸續續都發生咗相同嘅事，就係咁Molly搵番佢（其中）4個小朋友，依家大家間唔中都會約出嚟、當親子聚會。」
至於首次帶愛犬波子影寫真的盈盈，看到照片時竟哭成淚人，她說：「我覺得呢張相對我哋好大意義，因為其實波子仲有個家姐（同一胎），但家姐之前過咗身，佢過身時我哋先發現，原來冇真係好認真咁影過一輯咁正式嘅相，所以喺佢告別儀式時都有諗，早知影輯寫真……有咗今日呢啲相，我諗後面就算發生咩事，都唔會有遺憾。」盈盈又笑言為了拍攝這輯寫真，足足緊張了一個星期。
更多圖輯：
