麥明詩（Louisa）今日（19日）產後復出出席活動，早前有報道指林作母親王莉妮（Lily）在社交平台公開她兒子的正面照引發的洩密風波，麥明詩表示都是伯母的選擇，「當初同伯母溝通得唔夠清楚，但佢好快就將相片收返，我哋有很好嘅關係，唔想再有圈套，係我中人圈套。」雖然麥明詩夫婦不想孩子曝光，但早前「一家三口」拍廣告卻引起網民爭議，更寸她「終於不再遮遮掩掩」。麥明詩表示工作是必須，但一定會保護小朋友的私隱及心理健康，讓孩子有開心的人生，只想孩子無憂地成長，「拍攝工作係請了一位小演員拍攝，唔係自己個BB，大家誤會了，而小演員比我小朋友大，（不想孩子曝光？）因為社交媒體對年輕及心智未成熟嘅人都未能把握，加上我哋控制唔到外界講咩，（孩子接拍廣告？）暫時唔會發生，將來亦唔知，等佢長大有自己嘅意願先討論，但我會選擇盡量唔畀佢曝光。」
初為人母的她在照顧孩子方面，笑指能應付得到，辛苦是正常，但辛苦換來喜悅，幸好有家人的支援，孩子的問題很多時也會諮詢自己的媽媽，因為媽媽有很多臨床經驗是專業人士。至於老公是否神隊友？「佢好幫到手，不時上網睇教育片段，非常投入！（可有產後抑鬱？）過程係開心，但都有辛苦，情緒會有波動，但老公好好會請假陪我，作為我嘅情緒支持，所以好快就康復，每當見到BB嘅笑容就會化解唔開心，（老公是你的出氣袋？）唔係，係支援，當我有懷疑時，佢就給予我肯定。」
更多現場圖輯：
