Bob在社交網曬出老婆仔女攻打四方城的照片，留言︰「今（昨）日，我，46歲啦。生日願望，好簡單：有幸福家庭，有真摯朋友，有美滿事業，有豐盛財富，有健康身體，有精彩人生。咁多年嚟，生日願望又好，拜神祈福許願又好，都係講呢六樣嘢，其實都唔係好貪心啫。希望上天可以繼續賜予我足夠力量、智慧同勇氣，繼續為大家帶嚟多一點歡樂，多一點正能量。今晚唔好搞咁多嘢，唔好周圍去，打番幾圈長壽牌，大家鬆吓章就得㗎啦！多謝，感恩。」
Bob太太黃乙頤（Pearl）公開丈夫切生日蛋糕時的影片，留言︰「另一半，神隊友，家人，爸爸！生日快樂！」Bob回應︰「最緊要一家人，齊齊整整，平平安安。」大家姐Faye亦分享與妹妹合力為爸爸煮晚餐時影片，留言：「爸爸生日快樂！生日晚餐是我和妹妹用心親手做的」，並透露辣炒年糕及部隊鍋是爸爸要求煮的。Bob表示女兒煮的菜「係幾正嘅」，又讚「佢依家煮嘢食係有啲料嘅」。
