周嘉洛、朱敏瀚、JW 王灝兒、張振朗及賴慰玲今日出席《約埋班fd去旅行》，節目邀得兩組死黨團分別到清邁及悉尼旅行，朱敏翰更是兩死黨團的重要人物，可以盡情旅行盡情玩。節目中，張振朗、朱敏翰及賴慰玲三人出發到悉尼，宣傳片更播出三人在當地狂掃保健品，朱敏翰笑言三人掃貨到缺貨，連工作人員都買唔到，最後他們分別送禮給工作人員。
身為人母的賴慰玲表示拋開家庭十日，相當享受，「真係唔掛住，平時好少機會自己盡情去玩，其實十日唔算長，況且每日我哋都傾電話及視像，十日真係一個適中時間，每年可以發生多幾次，而且生活有些轉變，才會更珍惜對方，所以我建議公司，藝員每拍完一套劇，都可以安排佢哋去拍旅遊節目一次。」
今日雖然陳瀅因工作未能出席，但她透過錄影訪問時，大爆JW於清邁便秘十日，令JW頓時一臉尷尬，「我一去旅行就無咁暢順，而且同陳瀅同房，成個氣氛令我去唔到，我哋每日食好多嘢又去唔到，感覺好辛苦，搞到每位工作人員都同我講各種解決的方法，陳瀅又不時幫我按肚，最後都用了一些秘方解決便秘問題。」
