第27屆亞洲電視大獎入圍名單公布，邵氏旗下藝人包括憑《飛虎3壯志英雄》獲提名最佳男主角的馬德鐘、黃宗澤（Bosco）、入圍最佳女配角的蔡潔；與《七公主》的林夏薇及《金宵大廈2》的李施嬅，雙雙提名最佳女主角，可喜可賀！
正忙於拍劇的馬德鐘，開工時接獲喜訊，感謝獲提名及大家喜歡展博文這角色，更加開心可以跟Bosco一齊入圍。他說：「唔知最後結果會點，但能夠入圍，相信對我同Bosco嚟講，係對演員嘅付出一個肯定！」
今年中憑劇集《非凡三俠》獲「紐約電影電視節2022」頒發「最佳男主角」優異獎的Bosco，今次再入圍競逐國際性電視劇最佳男主角，Bosco繼續以平常心面對：「好開心又提名，好多謝邵氏成日有啲咁大咁好嘅製作，可以有令我哋有機會參加呢盛事，但十劃未有一撇，咁多對手。」
去年憑《七公主》顧語嫣一角獲得《萬千星輝頒獎典禮2021》「最佳女主角」的薇薇，今次以同一角色再逐視后，薇薇說：「七公主顧語嫣個角色，係入行以來好大挑戰，自己又好鍾意嘅一個角色，所以知道入圍好開心，最希望可以不同地方觀眾都會鍾意呢個劇。」第三次提名亞洲電視大獎「最佳女主角」的施嬅，昨日已在社交網出Po表達有幾開心。
首次憑角色入圍國際性電視獎項的蔡潔，直言好意外好開心：「無諗過會入圍，對自己講係個肯定、同好大鼓勵，好榮幸可以參與到呢套劇。」
