鄭中基（Ronald）早前趁49歲生日前夕，宣布於下月24及25日於中環海濱活動空間，舉行兩張全港首個戶外自駕演唱會《Drive In Ultra – WEE are Ronald Cheng》，今日（12/03）預售，3月26日正式開賣。
原來Ronald一直想舉辦戶外演唱會，以前在外國「drive in」睇戲覺得很有趣，今次終於實現多年來的夢想，認為這種形式很適合正受疫情困擾的香港，做到抗疫又能帶給歌迷歡樂，「香港未試過drive in形式show，會幾好玩，又唔會違反限聚令，一家大細可以坐喺車度睇，應該係值得做同幾好玩嘅一件事，所以就應承了主辦單位！」
Ronald剛過生日，願望是大家身體健康、世界和平、人人有工開，「以前講呢啲好老土，今年的確真係咁！每年生日都想做有意義嘅事，去年開始戴口罩，做關心社會嘅事，今年都有拍啲影片，遲吓大家就會睇到。今年生日願望係搞演唱會，生日當然想同大家一齊度過，加上我一向都好想搞戶外演唱會，今次終於搞到啦！」他又表示要舉辦得大型一點，可以讓更多同業有工開。
Ronald對今次演出抱有期望，因為香港受疫情影響，充斥負面情緒，他希望為進場的觀眾帶來歡樂，「知道香港人好耐冇睇過演唱會，好耐冇開心過，我期望大家入嚟睇show嗰幾個鐘頭，先擺低唔開心嘅事，一齊開心、玩咗先，經歷咗年幾時間，每日都估唔到聽日有咩發生，希望喺睇演唱會咁短時間中，帶比大家久違嘅快樂和enjoy音樂。」他更率先透露演唱會內容，承諾會多唱大家喜歡的一些開心歌，還會邀請其他歌手一起演出，「有一個主題關於樂壇、關於新人，仲係排緊，相信大家都會喜歡！」
