LMF成員陳匡榮（大飛）去年因病突然離世，為紀念亡友，黃貫中（Paul）為大飛創作了一首新歌《一夥》，並找來大飛生前好友鄭中基、何超儀、鄧建明及LMF一起灌錄歌曲。新曲MV今天（1日）在Paul的網上頻道首播，他直言對於大飛離世，感到十分痛心，希望透過歌曲抒發心情，在歌中加入大飛的打鼓部分，代表大飛無論在哪一個世界，他們仍能繼續夾Band。Paul表示：「佢走咗，我先計數同佢識咗幾耐呢？我係透過細佬介紹而認識對方，佢好有音樂才華，原來我同佢識咗30幾年。」
提到與大飛的生活點滴，Paul形容對方是無所不談的好兄弟，除了音樂，二人亦會一起打拳，他說：「就連我搬屋，佢都會嚟幫手，好有義氣，我哋一齊打拳，一齊成為拳館榮譽會長，一齊參加拳賽，呢段時間真係好開心。」問到推出新歌的過程中，可有遇上困難？Paul說：「大飛嘅朋友全部都係行動派，我哋一班兄弟就話，邊個『離開』，我哋就會為『離開』嗰個寫隻歌，如果走最尾嗰個就冇人寫歌，所以大飛係幸福嘅。」
Paul又透露大飛生前有一個心願，希望LMF舉辦一場慈善演唱會，並將所有收益撥捐拯救貓狗的慈善組織。為延續大飛的心願，今次歌曲會印製3000隻CD於本月16、17日作慈善義賣。