來港二十多年嘅前無綫藝人布偉傑（Brian Thomas Burrell），除咗對本地文化有濃厚興趣外，佢亦會周圍行山，欣賞香港獨特嘅地理自然景觀。今個星期二（16日），Brian就約埋唐文龍行肉桂山，佢哋仲拎住幾個環保袋行上行落。
原來Brian為咗環保，與唐文龍自發到海灘執垃圾，佢於社交網分享行山相片，並寫道：「呢位兄弟真係冇得頂！腳腕傷咗仲陪我行難度高嘅肉桂山，為咗去鴨脷排沙灘執垃圾，再帶啲垃圾過山出去！返去時見到有幾個行山客，不斷讚嘆我們，便乘機跟他們宣傳環保，叫他們記得帶回自己的垃圾，請支持環保！令香港變得更美好！」
相中見二人到海灘落手落腳清理垃圾，再挽住幾大袋垃圾行落山，最後更將垃圾分類放至回收筒，相當環保！
而唐文龍亦有留言：「Brian Burell 一哥布偉傑約我去撿垃圾，香港仔鴨脷洲鴨脷排海灘。請支持環保，香港乾淨美好，世界也更美好！」
圖片來源：布偉傑@Facebook