張繼聰正為12月1日於麥花臣舉行的演唱會進行綵排。演唱會原於上月15號舉行，但阿聰確診了新冠肺炎需要改期，雖然演唱會要押後，但他表示反而令自己多了時間準備！被問到有沒有開始緊張，阿聰表示：「唔緊張啊！因為上次嘅少少意外，反而多咗時間去練歌，同埋聽返之前綵排嘅聲帶，檢討吓點樣可以唱得好啲，加上我呢啲限量型嘅歌手，真係唔知幾時會再搞騷，所以令每張門票更顯珍貴。依家係好享受，一啲都唔緊張，臨上台就唔知。」
阿聰表示好多圈中朋友都想嚟支持，搞到自己成身飛債，「圈中朋友都係攞飛比較多，不過都係支持！因為我歌影視都有涉足，太多人要飛，搞到主辦方要用『五餅二魚』方式搵門票比我。各式各樣嘅男神、女神都會嚟捧場，因為我想焦點落喺自己身上唔想同人分享，所以會用鐵鏈鎖住佢哋唔俾佢哋上台。」
