王賢誌（Vinci）作為主理人領軍12位仔仔的節目《仔仔一堂》，雖然上月播畢，但觀眾和網民的反應都十分理想，均希望Vinci可以快點開拍第二季，暫時未知新一輯幾時開拍，不過仔仔們的活動冇停過，現時每周都會在《仔仔一堂》的自家YT頻道開Live，而早前12位仔仔更加完成了寫真集的拍攝工作，即將推出Boyscation慈善寫真集《Pride in Action》，更有限量版海報兼寫真卡套裝推出，寫真集共有162頁非常之厚，12位仔仔出動曬肌，而今次寫真的所有收益，扣除開支將會平均捐贈予節目中訪問過、支援本港LGBT界別的五間不同慈善機構，主理人今次真係辛苦晒呀！
兔年來臨，當然唔少得《仔仔一堂》仔仔，為本刊拍下的恭祝說話，寫得一手好書法的男神Louis更親筆題字，大大個「福」字，希望大家在兔年都可以福到；主理人更加將寫真集的精采圖片率先曝光俾大家欣賞呀！
