恭喜恭喜！鍾嘉欣的B仔出世了，周四（六日），她在Ig上載了兩張B仔相，樣子可愛，樣貌似嘉欣亦似爸爸Jeremy，嘉欣還公布兒子名叫Jared Anthony Leung，重七磅十四安士。
鍾嘉欣早前待產時，心情興奮，一有時間就在家中的花園曬太陽，喝下午茶，跟肚中的兒子說說話，現在，兒子來臨，鍾嘉欣已是熟手媽咪，除了餵人奶，又會親自湊ＢＢ，一家四口很幸福。
鍾嘉欣對於各界的祝福，非常多謝，還說：「我好開心同大家宣布，我生咗個仔，他很健康，他叫Jared Anthony Leung，他算是大Ｂ，重七磅十四安士，他有好多好多頭髮，好似家姊Kelly，連我屋企人都講笑話，我好似生咗龍鳳胎，因兩姊弟真係好似樣。」
嘉欣說到今次生Ｂ過程，除了好順利，就是痛，「今次順產，雖然好痛好痛好痛，最特別選擇了在家分娩，home birth，因為加拿大好支持自然分娩，我亦好感恩找了一班好的助產士，他們好專業，俾了好多情緒支援，又教導我用一些方法，怎去生ＢＢ更加順利更加安全，仲有更相信自己body去生產，這感覺好好。」嘉欣說這次home birth是她跟丈夫Jeremy齊齊決定，「絕對係一個好難忘經歷，同我個仔一齊，同我個family一齊；其實，我現在休養期間，要坐月，要照顧我的兒子，仲有好緊要就係要照顧多啲Kelly，因為家中多了新成員，一定要擺多些時間在她身上，一定要令她感覺OK，這陣子就是忙這些啦。」嘉欣還說，希望可以好快介紹囝囝給大家認識，讓大家見面，其實，嘉欣應該會在苟芸慧結婚時，回港喝喜酒，若一切沒變，十月十九日就應該會見到她了。
■ 撰文：吳迦