葉振棠、李佳、羅啟豪與母親Anne Lew、龍婷、譚輝智與父親譚握籌、顏米羔、安雅希、冼靖峰（Archie）、蔡愷穎、何廣沛、何沛珈、梁凱晴、林正峰、關楓馨、余思霆、彭家賢、黃星綽等今日（29日）出席《萬眾同心公益金》記者會。冼靖峰提到6月9日，男團LOONG 9將在港舉辦首個粉絲見面會，12子齊集，Archie很久沒有與其他隊友見面，所以好期待。Archie經常與丁子朗見面，不時互相打探感情狀況，目前兩人都是單身，Archie指現在是事業搏殺期，不會分心談戀愛，他表示若果有拖拍，會是一個好黐身的男友。 何廣沛、林正峰、梁凱晴、關楓馨、何沛珈擔任《萬眾同心公益金》司儀，關楓馨讀報紙練咬字及發音，對於與前欖球員徐灝晴傳緋聞，她指對方只是朋友，並沒有追求她，目前未有拍拖，擇偶條件要心地好。 更多現場圖輯：
泰國男星Tor、台灣女星隋棠、蔡思韵、林德信（Alex）、倪晨曦今日（29日）出席活動，隋棠在港逗留兩日，因要趕返台灣開工，接下來的作品會有動作場面，已開始接受訓練，過程中曾經受傷，但沒有流血，她分享之前拍完戲，沒有卸妝便回家，子女見到她面上血漬斑斑，被嚇到喊。與她曾合作的男星宥勝及賀軍翔相繼爆出性醜聞，隋棠即時落閘，表示不回答不相關的問題。 Tor曾經來港旅遊及取景拍戲，希望有機會接拍香港電影，最想與周潤發合作，想飾演發哥的朋友角色；Tor與女友關係穩定，被讚專一，他想大家多關注其工作，因將來發生甚麼事也不會知道。 林德信剛為人父，女兒出生的頭一個月，他自覺好混亂，到現在踏入第二個月，感到已經上手，換尿片及沖涼都搞得掂，見到女兒笑便好開心，經常忍不住又攬又錫，Alex父親林子祥替孫女改中文名「林明」，Alex透露因為父親發夢見到一個日及一個月，以此為孫女命名。 更多現場圖輯：
冼靖峰（Archie）在昨晚（28日）播出的劇集《神耆小子》中，獻出熒幕初吻，與羅毓儀（Yuki）的「一多CP」感情大躍進，糖分嚴重超標！ 一鳴（Archie飾）和多多（Yuki飾）早已互生情愫，一鳴昨晚帶多多到墳場拜祭父母，告知多多自己的身世，並單膝下跪向多多真情告白，深受感動的多多向一鳴獻上情深一吻，浪漫滿瀉。 Archie受訪時說：「其實心情都幾緊張，因為始終都係熒幕初吻唔想NG太多Take，所以事前有背熟劇本同走位，自己事前排練咗好多次，唔想因為走位走得唔好而重拍。」奪去Archie「初吻」的Yuki則說：「拍呢場戲嘅時候係落緊雨，成個環境都有一種淒美嘅感覺，好切合到一鳴同多多互訴心事嘅狀態！」Yuki又感激Archie演活角色令她更易入戲：「多多表面上睇起嚟好開朗，好堅強好似乜嘢都自己搞得掂咁，但其實佢默默承受咗好多，同普通女仔一樣好需要有人支持，咁一鳴就完全做到呢樣嘢。」 講到「一多CP」備受觀眾喜愛，Archie說：「同Yuki合作得好開心，因為Yuki都係我前輩，佢一路都Lead住我去拍，我哋之間默契都唔錯，希望觀眾睇完都覺得我冇違和感。」Yuki則感恩說：「大家都覺得我哋有『最萌身高差』，同埋個樣都係偏童顏，最重要係我哋喺拍劇嘅時候都好有火花，而呢一種火花同『一多』一樣，都係建立喺一種互信嘅狀態！」
郭晉安、陳曉華、羅子溢、何依婷、何廣沛、羅天宇、郭柏妍、莊子璇等今日（29日）出席無綫新劇《金式森林》拜神及造型儀式，陳曉華與安仔在劇中上演忘年戀，曉華認為只要對方人品好及專一，又可以溝通得到，年齡方面不會考慮太多，笑指自己想找的是靈魂伴侶。莊子璇飾演安仔女兒，自言是他的粉絲，好期待合作，首次拍劇最怕被批評演出不夠自然，所以做定功課，她的角色是「戀愛腦」，但未知誰人飾演其男友。 何依婷與羅子溢、何廣沛在劇中是三角關係，子溢的角色有少少奸，依婷成為大少奶後，要展現霸氣，覺得好困難，雖然在現實中已成為人妻，但內心仍然好少女，在家中沒有霸氣。 更多現場圖輯：
早前，關智斌（Kenny）舉行他首個巡迴演唱會《關智斌時光機巡迴音樂會》，日前於北京舉行最後一站。由於是最後一站，Kenny決定為歌迷送上驚喜，除以「限定金毛look」現身外，歌單更是精心挑選，由跳唱的《LALA世界》、《一起喝采》到抒情的《眼紅館》、《日月》等，一次過滿足晒全場觀眾。 近半年都在進行巡唱的Kenny，完成中山、佛山、上海、廣州及上海的演出後，日前最後一站的北京站亦圓滿結束。Kenny表示完成這六站巡唱，對他是一個很大的學習過程，他坦言自己甚少製作演唱會經驗，因此在這次籌備過程中遇上不少挑戰，例如編排歌曲、音樂製作、以及找適合的樂隊等，「因為成個演唱會唔係淨係唱幾隻歌，成個演唱會要好流暢、要有起承轉合、要有主題，中間點樣同觀眾互動等等，呢啲反而係我喺《披荊斬棘的哥哥》呢個節目入面學到返嚟，學到點樣帶動觀眾情緒，完全沉醉喺個氛圍入面。我目標好明確，我淨係想我每一首歌都帶到一個意思，可以令到觀眾離開時候都會回味。」 至於難忘事，Kenny坦言每一場都很難忘，例如上海站，期間Kenny因工作關係需要飛到瑞士出席活動，活動完後便要即時飛回上海，「Jet lag都未完全回復過嚟嘅時候，已經要去表演，都擔心自己精神狀態唔好。」不過最大挑戰則是「天氣不似預期」，連Kenny也表示要認命，「我每一次開show嗰個地方都會落雨，我未去之前係陽光普照天氣好好，但到我一開show就會傾盆大雨，第二日又好天返，所以呢一樣嘢我幾深刻，深刻係因為我都好擔心令到粉絲好辛苦、好奔波、好操勞。」特別是廣州站，開show那天大暴雨加龍捲風，fans在場外準備的種種應援物都要收起，Kenny說：「有好多人因為要趕車、趕飛機，好多延誤，令到佢哋失咗好多預算，甚至乎有陣時淋雨淋到成身濕晒，呢個我幾心痛，因為我知道佢哋好多都係女仔，嚟到都唔容易，希望我下次去開show嘅場館，出面會有多啲地方，可以俾觀眾避雨啦！」
剛於本月4日46歲生日的陳鍵鋒（Sammul），自2021年任潛水教練涉學員溺斃事件後一直避世，生活比之前更低調。雖然他有更新社交網分享生活，但他對上一次公開個人照片，已是2022年9月在健身房內的自拍。時隔1年8個月，Sammul終於再次現身，在ig公開近照。 照片中Sammul染了一頭金髮，身穿黑色外套及戴上太陽鏡。他拿着手機對鏡自拍，在眼睛位置打上「Faith」、「Hope」及「Love」，並顯示身在澳洲，以英文留言︰「When you don’t expect anything from anyone, you live much better!（當你不期望任何人給你任何東西時，你會活得更好！）」 不少粉絲留言稱十分掛念，周慧敏亦說︰「終露半個面！」他則大笑反駁：「係全個面喎！」好友蕭唯展則留言：「收唔收兵呀」？他卻回覆江若琳：「喂呀，你老公問你收唔收兵啊」！ 去年5月尾，Sammul被網民發現獨自坐在加拿大多倫多機場的餐廳內低頭按手機，當時相中的他染了一頭金髮，未有剃鬚，身材亦發福不少。
https://www.youtube.com/watch?v=Cwgmvalqc4c 郭晉安與歐倩怡（Cindy）在本月初突然於社交平台公布離婚消息，回復單身的郭晉安首度現身，出席TVB重頭劇《金式森林》的造型活動，劇中郭晉安飾演上市公司主席，將會與陳曉華玩「忘年戀」。 他被問到離婚後的心情時，他淡然說：「所有事都已經處理好晒，離婚原因都係我哋兩個之間嘅事，雙方面都需要有自己的進程，有兩方面的需要，係和平分開，所有嘢都傾好晒，Cindy同小朋友都會明白，暫時我係同小朋友一齊住，相處好開心，嚟緊八月我會陪大仔去英國準備開學，之後再返嚟照顧細囡，其實呢件事我已經無嘢，因為已經係兩年前發生嘅事，過咗去了，現在各自都生活得好好，（涉及第三者？）唔會有第三者涉及，所有流言都只係人哋去猜測，唔需要理會。」 另一方面，郭晉安與胞姐郭致因於1999年創立「草姬靈芝孢子」保健品及美容與護膚品，供應商草姬集團向港交所（388）近日遞上市申請，公司文件指郭晉安目前為非執行董事兼品牌大使，主要負責為集團市場營銷提供整體戰略建議，過往亦有出席新舖剪綵活動兼為產品拍廣告，惟每年總酬金僅64萬元。不過集團提出上市後，被揭安仔於2022年3月23號，分別以30萬元代價，轉讓草姬國際相當於已發行股份3成普通股予郭致因，同日又以15萬元代價，轉讓草姬國際另一子公司ZINO International 15萬股普通股予郭致因，而交易時間同安仔跟前妻歐倩怡兩年前分居時間相若，惹來離婚贍養費及避分身家的揣測，「呢方面早已經同Cindy溝通好，雙方都知道發生咩事，唔需要有任何嘅猜測，我哋兩個知道就可以，總之溝通得好好，一切都好和平，大家唔需要擔心，大家不如擔心我兩年無拍劇，會唔會緊張仲好。」 更多圖輯：
https://www.youtube.com/watch?v=Cwgmvalqc4c 年逾80有「靚聲王」之稱的蕭亮近日驚傳死訊，有網民留言指蕭亮於今年3月上旬在多倫多家中逝世。蕭亮原名盧永華Robert Lo，馬評人盧遠和已故藝人盧大偉是他的兄長和弟弟。1970年加入港台當DJ，1973年兼任麗的映聲新聞報道員，之後與弟弟盧大偉過檔無綫參與報幕工作，他以獨特靚聲朗讀「無綫電視翡翠台」，成為TVB一大特色，更令他擔任多個廣告代言及旁白，傳頌至今。 1993年底移民加拿大溫哥華後，蕭亮繼續為當地中文電台擔任報幕員、主持說書等。2000年蕭亮離婚並回流香港，重返TVB拍了多部劇集，當中《男親女愛》扮演CK令他翻Hit外，還演《洛神》、《絕世好爸》、《西關大少》、《棟篤神探》、《阿旺新傳》等。 蕭亮這些年來在加拿大退而不休，他的YouTube頻道「蕭亮百藝網」更新至4個月前，他的最後一條片中有網民於3個月前留言：「Sorry to inform you all that Mr. Robert Lo has passed away in his apartment couple…
柳應廷Jer繼《筆觸男孩憂鬱之死》後，推出今年第二首派台作品《約齊靈魂在墳墓開生日派對》，這首由Jay Fung作曲、周耀輝填詞的組合，Jer一直期待已久，特別是Jay Fung，今次首度合作，Jer道：「自己搵咗佢好耐，一直都好期待同佢合作會係點，因為佢寫嘅旋律都係好挑戰性。我特登搵佢寫，佢一口就應承咗，一寫出嚟個Melody都冇乜點樣改過，已經代入到故事，幻想係一班瞓着咗嘅人發緊惡夢，第一次聽Demo已經有呢個畫面，所以沿住惡夢夢境，Gather（聚集）暗黑靈魂做一啲嘢。」 https://www.youtube.com/watch?v=kwRMk7bovHw Jer然後就將自己的感受分享給周耀輝，「我有講過例如大家覺得惡夢係一件唔好嘅事，發緊惡夢你會好驚，但其實某程度上潛意式醒返之後你會克服咗啲嘢，我唔想令到大家覺得發完個夢就淨係驚，要有啲得著，可以成就到而家嘅自己。」一班靈魂一起唱歌，慶祝生日派對，這個完全不覺得驚嚇的畫面，就出現在《約齊靈魂在墳墓開生日派對》。 過去曾推出物語系列、重生系列及虐心系列，今年Jer推出的另一個系列可以稱之為怪誕系列，因為歌曲玩味都比較重，Jer說：「《約齊靈魂在墳墓開生日派對》係我今年比較玩味嘅一個Project裏面，一首比較重型嘅歌曲，對比《筆觸男孩憂鬱之死》，上首有少少Funky得嚟再會有少少Brass，今次嘅好玩之處，在於歌詞帶聽眾進入一個靈魂嘅世界，聽嘅時候要代入成個故事，由副歌開始見到嘅『螞蟻腦』、『人皮遺囑』，相信都係大家未必見過嘅事物，但全部都係喺我個腦嘅幻想空間裏面。」Jer自小熱愛添布頓的電影，所以來到怪誕系列第二首作品，繼續滲入添布頓式怪誕，Jer補充道：「怪誕得來又有少少暗黑嘅元素，同《筆觸男孩憂鬱之死》分別在於節奏感比較重，會聽到鼓聲，Powerful啲，相信之後Live performance上會比較多敲擊嘅元素。」 既然是系列作品，Jer也透露這個怪誕系列亦似過去的作品，作品之間環環相扣，「《約齊靈魂在墳墓開生日派對》係第二首，加埋之後第三首去講一個故事。其實《筆觸男孩憂鬱之死》 & 《約齊靈魂在墳墓開生日派對》都埋藏咗一啲伏筆，希望聽眾可以跟住歌曲慢慢走向故事Ending，就會搵到呢3首歌其實係講咩，大家可以嘗試自己搵出嚟。」 為了配合歌曲，Jer今次拍攝唱片封套時，造型上也變得古靈精怪，「單曲封面用咗一個比較日系武士妝。坊間多數歌手嘅Cover都係乾淨俐落靚仔，既然今年玩玩味，不如玩盡啲，妝容上都做個突破啲，希望大家望到呢個樣就諗到呢首歌，所以造型上係發惡夢嗰個人嘅感覺。」至於MV，將會不日推出，Jer揚言一樣要古怪到底，他更幻想道：「應該係有啲諷刺意味，顏色對比度會強烈啲Colourful啲，場景同角色對比都要強烈啲，例如係一位婆婆身處幼稚園場景會係點呢？造型上我覺得要有型，以往嘅怪誕係有少少古怪加開心感覺，今次要喺個妝上面有少少型格，暫時未拍，但幻想會係發緊惡夢嘅惡魔！」 今次新歌不停提及夢境，Jer瞓覺都會發夢，而他曾經夢見自己成為一個足球員，Jer笑說：「我曾經夢見自己成為一個足球員，因為我好鍾意踢波，好想去阿仙奴嘅酋長球場射入一球，呢個係我其中一個夢，個夢係我做一個職業選手，然後俾人攔截，但都俾我入到波！」
張學友、謝霆鋒、衛詩雅、關智斌（Kenny）等於英皇電影《海關戰線》其中一場重頭戲，是前往海關基地實地上船拍攝，埋位前特別向專業人士請教有關注意的事項，包括開船的手勢、專業名詞等，以令拍攝達至最完美效果。 拍攝當天的戲分是講述霆鋒、學友、衛詩雅、關智斌、楊天宇、朱天準備出海巡邏，開船前大家作好準備，包括是日的晚餐，算是戲中輕鬆的一場。衛詩雅笑說：「剛才跟學友哥對戲，他問我今晚食乜餸？是日晚餐由我負責，我依劇本回應學友哥說蕃茄炒蛋，大家有說有笑像一家人般，我們這班演員感情很好的，我還私下買了薯片『加餸』。」雖然詩雅本身也有開船牌，但登上海關船的駕駛倉還是首次，感覺很有責任感，像在維護法紀；Kenny得知詩雅有船牌後也大表羨慕，亦乘機向專業人員追問過往的巡邏經歷，例如有沒有掃過翻版等等，十分進取好學。 各人登船後即坐上自己的位置，感受駕駛倉的氣氛，身穿制服的學友邊拿着望遠鏡，邊唸對白發號施令，甚有氣勢；坐在控制座的霆鋒也努力熟習面前的操控桿，大家表現專業。 霆鋒認真的說：「這天拍攝感覺很莊重，登時有一種責任感，跟平時搭景拍戲感受完全不同；其實我本身很喜歡水上運動，自己水性比陸地的活動更強，我也成功考取初級救生員牌，一直都想考船牌，可惜沒有時間，所以今次藉拍戲對船上操作及規條加深了解，日後若真的考船牌相信會有所幫助。」