李璨琛生了兩個可愛囡囡，李元元和李斐斐，細女Sucy現在一歲，Lucy媽忙照顧兩女之餘，亦要忙工作。不過Sucy最近夜晚瞓覺就唔乖乖，夜晚11時半醒咗就唔再瞓，搞到Lucy媽唔知點算好，見佢個樣鬼咁精神，Lucy媽真係唔知好嬲定好笑。
Lucy媽在ig留言：「昨晚老母開完長達9小時會之後返到屋企，個細女唔知係太掛住我定點，夜晚11:30醒咗死都唔瞓返，不停喺張牀仔度彈嚟彈去，整佢瞓低佢又彈返起身，好似覺得自己好cutie咁，大家見到老母個背影都feel到佢前面垂淚，我望住佢，佢又望返住我，然後我都唔知講咩好，最尾搞咗兩個鐘，去到最後15分鐘，老母我終於失去耐性大聲鬧鬼佢，佢竟然成隻曱甴咁即刻詐死完全唔郁，最後真係咁樣瞓着咗。」到咗第二日，Lucy媽再出post，放了幾張Sucy喊相，笑言故意整喊宇宙大王，然後hashtag：「半夜唔瞓覺」、「互相傷害」、「要報仇」。
