《SPACE MUSIC FESTIVAL》第三場日前於西九文化區竹翠公園舉行，開場由PIZZALI打頭陣，笑言打頭陣氣氛好，率先跟Fans打招呼！樂迷的熱烈狂呼，令PIZZALI非常興奮，不停向台下「灑水」令觀眾情緒高漲：「我第一次到香港的舞台，其實正準備新的專輯，所以很想再來香港表演，可以唱足十首！」。
MARZ23、TIAB跟隨出場，台下Fans不時揮動電話燈光，令兩子非常感動，MARZ23一度跳落台握手，大家立即用電話打卡留念，而TIAB首次獲Fans「贈Bra」助慶：「我有研究過，應該係新嘅，因為實在太大個啦，個感覺好新鮮囉，但都還好嘅！」
Tyson Yoshi的演出成為音樂節焦點，他在台上撕爛背心騷巨肌，Fans亦不甘示弱拋上紅Bra助慶，他更赤裸上身跳入人羣中任摸，認真瘋狂！他說：「大家有冇睇我新歌嘅MV？因為冇加錢俾三上悠亞，所以佢冇嚟，但係大家都有聽過首歌就可以！」現場氣氛非常高漲，搞到Tyson Yoshi 大汗淋漓，但他希望Fans的尖叫聲更大一點，要整個中環都聽到大家的熱情：「今日都冇諗住除衫嘅，因為呢排都重咗2KG，但因為太熱啦，所以試吓撕爛佢。（俾人摸胸？）有啲怕醜，但其實都OK嘅，唔好嚟得太密就可以。」
台灣歌手高爾宣壓軸登場，Fans再度送上白色胸圍，但他笑言「唔需要」，Fans大叫「除衫」，他則模仿Tyson Yoshi，非常搞笑。他其後在台上飲香檳，還表示見到有Fans寫的另類「情書」：「我見到有人寫『高爾宣我想跟你ONS』，原來香港樂迷都很變態。」高爾宣一連唱出幾首快歌，大讚Fans 氣氛好，令他很享受舞台：「第二次嚟香港可以唱很大的場地，Fans真的很熱情，他們值100分！可能有些人未聽過我的歌，他們都會跟着搖動！Tyson Yoshi已經給福利，但我沒他強壯，我給福利很怪的。」
