Twins昨晚（6日）舉行尾場紅館演唱會，獲容祖兒、MIRROR成員邱士縉（Stanley）和女友李炘頤（Alina）、陳慧嫻、王敏奕、衛詩雅及傅穎等捧場。Twins唱出連串快歌後，阿Sa說：「14場啦！破咗我哋紀錄，在場每一位都同我哋共同創造呢個壯舉，多謝晒！其實真係冇諗過開到14場。」
不少觀眾以Twins歷年來的不同形象捧場，有歌迷男扮女裝，有男粉絲更只穿上紅色喱士胸圍。阿嬌看見後笑說：「個造型係咪侮辱緊我哋啊？」阿Sa看見台下的陳慧嫻又興奮地說︰「慧嫻姐姐係我哋嘅青春！」她和阿嬌清唱陳慧嫻快歌《跳舞街》，又請慧嫻快些舉行演唱會。
容祖兒更以演出嘉賓身份現身台上，阿Sa笑指容祖兒當尾場嘉賓是傳統，憶祖兒上次「大鬧Twins演唱會」，這晚應該沒飲醉。祖兒與阿Sa、阿嬌合唱《隆重登場》及《你最紅》，祖兒笑言：「最唔抵得成日聽到有人大嗌『咀佢』。」Twins隨即上前向祖兒送吻，祖兒大叫：「呢啲女人好猖狂，好冇矜持！」祖兒又即場約Twins去旅行，她說：「依家萬事俱備，只欠現金。我哋向老闆拜個早年，等佢俾錢俾得舒服啲。」祖兒隨即帶領全場觀眾說「多謝老闆」，好搞笑！
