一連三場的Dear Jane What’s Happening Live 2022》昨晚（19日）於西九竹翠公園進行第二場，Dear Jane請來MC張天賦擔任嘉賓，兩人於台上合唱《無可避免》，Tim笑說：「剛剛我喺後台問你喺到做咩？」MC答：「係呀，我今日來面試呀，哈哈‥‥‥」Tim說：「你知唔知我點解請你做嘉賓？因為我好鍾意你呢個開心果，成都有好多energy。」
MC表示《無可避免》是他讀中學時好喜歡的一首歌，「你話做嘉賓想唱咩歌，我即刻就想唱呢首，因為呢首歌嗰陣經歷，係中學嗰陣帶俾我好多回憶。」Tim無奈笑道，「我同大家講，我搵佢嗰陣，我一早估到你會揀呢隻歌，佢喺電話到話唱《無可避免》啦，呢隻OK，唔使練。」MC隨即大笑，「唔係呀，邊有咁輕佻呀，我熟首歌之嘛。」引得觀眾嘻哈大笑，報以陣陣掌聲。在Tim換衫之際，MC再唱多首《老派約會之必要》，令現場觀眾開心不已。
Tim的女兒在第一晚演唱會因為輕微發燒，未及開場已經要回家休息，休息一日後，昨晚再次跟媽咪現身演唱會，更是精力無窮，整晚都揮螢光棒為爸爸打氣，Tim在唱出《Find My Way》時，表示要將這首歌送給老婆楊洛婷，更走到老婆及女兒的位置，向她們揮手及比心。
