人氣男團MIRROR今日（3日）成軍3周年！各位鏡粉預備好同12子點慶祝未？12子今日會舉行3場答謝會「MIRROR Be 3 Birthdya Party」感謝大家3年以嚟嘅支持，仲會同步推出新歌《All In One》，夠誠意了吧？《明周》小編知道唔少鏡粉都要返工，未必去到九龍灣現場睇，唔緊要嘅，等《明周》團隊幫你哋影勁多相，感受現場氣氛。
會場內特別設置展覽區，展出MIRROR自出道以來演出的劇照、演唱會紀念品、獎座，以及粉絲的應援燈牌；現場還貼出成員的學生相，更寫上各自的「身體特異功能」，當中Edan、Anson Lo中學照，樣模與現時差別不大，而Anson Kong和姜濤也騷出可愛童年照，吸引粉絲瘋狂拍照。
大會於現場首播MIRROR今日派台的新歌《All In One》，而MIRROR更即場演繹新歌，勁歌熱舞讓粉絲尖叫聲連連！此外，成員又分組玩「大電視」遊戲，並與被選中的幸運兒留影。在出道3周年的大日子，MIRROR獲送上大蛋糕，他們感謝一班「爸爸、媽媽」魯生、金生、花姐，寶姐等人以及《全民造星》這個節目。
MIRROR：「兩年前，迷茫的《一秒間》，到We are《One And All》，今日的《All In One》。有一種態度叫MIRROR！！鏡子不單反映出無限可能性，同時帶來新氣象！！初心不變，凝聚力量！！聽日，就係我哋三歲生日嘅大日子！！未來，希望有你哋陪我哋一齊走下去！！Happiest 3rd！！！ 」
現場鏡粉打卡：
台上演出：
現場訪問：
