樂隊KOLOR和 Revery日前為水上樂園全新音樂會場地進行開幕表演。主音Sammy 表示支持業界設置新表演場地，令樂隊有更多演出機會，他說：「因為呢啲戶外中小型場地真係唔多，而且Revery睇住佢哋大，所以一定要支持！睇住佢哋愈嚟愈大隻，佢地係好健康嘅樂隊成日做運動，佢哋『毛都未出齊』已經認識，係好難得。」
當KOLOR出場時全場哄動，樂迷不時拍手和唱，Sammy亦識做除衫演出。獻唱新歌《無極》時，Sammy自爆將呢晚新歌拍攝成MV，感謝Fans做「臨記」：「呢個新場係第一次演出，我哋都獻唱新歌，大家要跳得勁啲，10月會推出各大平台，令MV流傳萬世啊！」而Revery亦感謝KOLOR支持，坦言努力造歌報答對方：「我哋細細個夾Band時係唱cover歌，都係KOLOR啲歌，識咗佢哋之後，學識埋飲酒，聽住佢哋啲歌一齊成長。做好啲音樂已經係最好嘅報答，操大隻啲去繼承佢地啲肌肉！嚟緊我哋首新歌邀請KOLOR一齊玩吓，多謝佢哋！」