賀歲電影《飯戲攻心2》定檔除夕大年三十，二月九日公映！導演陳詠燊（Sunny）和「飯團」一家包括鄧麗欣（Stephy）、張繼聰、王菀之（Ivana）、林明禎、陳湛文以及新加入的魏浚笙（Jeffrey）早前接受鄭裕玲（Do姐）的網上節目訪問，大談拍攝電影趣事。
Do姐大讚阿聰年紀逐漸成熟，殊不知愈大愈似木村拓哉，阿聰聽畢馬上截停Do姐說：「千祈唔好咁講，麻煩剪走這段。」Do姐續指：「有時睇IG post，睇到以為木村出post，原來係你嚟嘅。」阿聰笑言：「你呢啲係誅我、唔係幫緊我，我呢次死梗！大家都係木村粉絲，唔好侮辱佢。」
問到新加入的Jeffrey，事前有沒有做足充分準備，他簡單回應「有呀」，即時令Do姐反問：「咁就答完㗎喇？你想死啊？」Jeffrey再補充：「當然有準備，但很享受自己污糟邋遢的造型，因為好爽，望到大家嫌棄自己個樣會好享受。」Do姐再追問，是不是很少見人對他面露嫌棄，阿聰就忍不住出聲：「好寸呀你，我呢啲受咗成世。」Do姐直言：「轉個彎來讚自己靚仔。」眾人起哄即令Jeffrey招架不住，自嘲並補鑊說：「我都覺得自己噁心，不過的確係享受，多謝導演悉心安排。」
有現場觀眾指上集距離續集已有兩年時間，有沒有需要重睇首集，阿聰率先回應：「完全唔需要，因為做足數個月謝票，我同Stephy由夏天謝票謝到冬天，短髮變長髮，大家有很好的默契，而且大家演得好，所以入戲很快，望住Monica就會二佬上身，這就是有好對手的好處。」