信則有，不信則無！黃宗澤Bosco大師級嘅術數，認真就輸了！哈！
嗱！Bosco問周秀娜最大嘅志願係咩？周秀娜就好快答：「我最大嘅志願係食軟飯，」軟飯呢？有兩個含意，第一，真係軟腍腍嘅飯，第二就梗係唔使做，搵人養啦！娜姐邊個意思？自己諗！
Bosco大師郁吓十隻手指，算一算，「我同你算過，你條命太硬！唔使旨意！」娜姐聽完向後反一反，大嗌：「我唔制，我唔要，幾時先有軟飯食。」仲叫Bosco走，然後心有不甘反串Bosco：「我都同你屈指一算，你條命幾硬吓！」Bosco就秒回：「所以我唔食飯！」兩個人笑到收唔到口！周秀娜同Bosco呢段問前程片段，笑料十足，睇到都開心。
部分圖片來源：周秀娜@Instagram