MIRROR十二位成員陸續出個人歌曲，排第七位出單曲嘅李駿傑（Jeremy），昨晚新歌《半》在YouTube 推出後，今午二時為止，已有35萬點擊，成績不錯。
身為Jeremy「通渠CP」的Edan，兄弟出單曲喎，當然要力撐，還在ig發布了兩條彈奏《半》的片段，當中旋律有分別，因為Edan用咗溫柔版同激昂版兩種version ，幫好兄弟谷歌，Edan最尾不忘加一句，「我就鍾意Jeremy唱嘅Version啦！」隔住Mon都感受到Bromance！
Edan更寫下文字恭喜Jeremy有單飛歌，「Congrats to my boy!!!!你終於等到這天了，很感動，亦很驕傲！超級好的作品，完全把你的特色都展現出來，100分！我們以前常說，努力的人是會被看到的，是金子總會發亮的，現在就是你發光發亮的時候了。為咗符合返《半》，我都彈咗個溫柔版同激昂版（頭盔mode：真係亂嚟，只求冇錯音）大家鍾意邊個Version？我就鍾意Jeremy唱嘅Version啦！所以未聽嘅快啲去聽，聽咗嘅就繼續聽！gogogo！」