江𤒹生（AK）今年6月與日本歌手高瀨統也合唱慘情日文歌《白愛》，在灌錄之時已想過要將歌曲製作成廣東話版，而最新派台作品《月色》也因此而誕生。AK說：「做日文歌時已經有問高瀨，問佢介唔介意將歌曲翻譯成廣東話版，當時高瀨好開心，仲話梗係唔介意啦！佢都未試過，所以當其時就已經有推出廣東話版嘅一個諗法。」
AK與MV導演穿梭東京大街小巷，邊聽着《白愛》的Rough Cut（粗剪階段），邊拍下一些零碎的片段，也被歌曲感動得哭起來，為MV添上一份哀傷．他回憶道：「由於當時對廣東話MV未有太大概念，歌又啱啱錄起，於是我只是戴住耳機，聽住rough cut，喺東京漫步。返到香港之後Endy就想到，不如在片段中加入動畫，再剪輯成為MV，因為冇可能返去日本補拍，而且妝頭亦唔同咗，所以我哋就搵咗一位動畫師幫忙完成呢個MV，用動畫畫一個女仔出嚟，等大家睇到呢個真人同動畫之間嘅愛情故事。」