50歲的黎瑞恩（小恩子）曾為90年代當紅偶像，但因結婚引退後生兒育女過着豪門闊太生活變得圓潤，離婚後曾於18年為再戰紅館開個唱作地獄式減肥；久不久都話要減肥的小恩子，今日在fb出Po留言：「封閉720小時 #再次啟動自我運動模式 #50人生 瘦瘦瘦」。
分享戶外背影照的小恩子補充謂：「第一日第一節，步行10公里」，再以長文表達今次減肥決心：「從前，我係一個熱愛運動嘅人，自從生仔之後，成個人好似失去動力咁，自律系統失靈，著衫嘅尺碼由38到而家嘅46，我真係接受唔到，有時朋友播我以前嘅MV嘅時候，見到以前咁，而家變成咁真係……
「試過辟谷四日，朋友覺得我好慘，又攞嘢嚟引誘我，結局係…試過生酮飲食，其實得㗎，但係朋友太多，晚晚叫我出去食飯，咁我又唔好意思喎，又去咗啦。
「『黎瑞恩，唔好再賴人啦！係你自己冇定力』，我知，經過一輪嘅反思，得出嘅結論就係………
「要得到完美嘅體態，『必先苦其心志，勞其筋骨，餓其體膚』，希望今次係最後一次，加油呀」！
