陳敏之四十歲生日，雖然十七號才是正日，不過一班老友就預早同佢慶祝，包括伍詠薇、袁偉豪、陳山聰、黃致豪、嚴淑明、胡杏兒同老公等等，大家仲將派對主題以007做造型，著晒黑色cool爆登場。
陳敏之今日就在ig分享，仲話「多謝大家陪我玩了一個瘋狂的晚上，大家都好靚，Love u all，Happy40，一個難忘的生日。」敏之仲喺文尾hashtag「#各位老闆型到核爆#大會指定007造型#被咁多靚仔圍係正嘅#真心喜歡主題派對」睇相都知壽星女好開心，而且佢件Bling Bling衫真係醒神。
而胡杏兒都在ig分享咗派對開心事，仲話：「恭喜你Baby，恭喜你踏入20對但仍然咁靚咁索，雖然睇到你平坦嘅肚腩真係好想打你，但其實我哋都真係要感恩大家都有一個咁錫自己嘅老公，佢倆個仲要咁friend，仲有我哋可愛的囝囝，年尾到我了，我都會同你一樣開心及自信地迎接20對，多謝你個party畀我哋個個dress up，40對時再搞記得預埋我兩公婆，總之身體健康開開心心心想事成！！」陳敏之當然又回覆，說：「十分期待妳年尾的20對派對！大家永遠幸福快樂健康。」
圖片來源： 陳敏之@Instagram