相隔五年，草蜢再踏紅館，今年10月26日起舉行一連四場演唱會，演唱會海報終於曝光，今次仲有新意，過往他們的演唱會海報都是三個大頭相，簡潔又直接，但今次設計，完全顛覆草蜢的傳統，玩剪影映像，要細心看才看見他們的樣貌，原來一切都是設計總監朱祖兒的心思。
草蜢與星級創意大師朱祖兒合作無間，多年來演唱會海報都由他操刀，今次亦不例外，這大膽設計源於「草蜢」這兩個字。阿智說：「朱祖兒話一提到『草蜢』，個腦就會Recall好多舞台表演、跳舞、唱歌嘅畫面，唔使真係見到我哋個樣，所以今次用呢個手法就係保留思考空間。」蘇志威笑說：「今次要摒棄我個靚仔樣……」傑仔強調：「其實細心留意係見到少少，只是不太清楚！」阿智續說：「好有神秘感，見到少少，好似新娘的頭紗，到開騷當日就會揭開俾大家驚喜。」
阿智表示今次海報重點是草蜢的神髓，雖然近乎剪影的頭像，但仍可以清楚分得出他們。他又說：「不少Fans反映話今次張海報好特別，所以我哋諗住演唱會期間，搞個PopUp Store，除咗設計不同紀念品，仲會整大型紙牌海報畀Fans影相留念，希望帶畀大家快樂的回憶。」這幾年沒有開騷，草蜢笑言轉行做運動員，不時在IG公開跑步和健身的生活片。阿智笑說：「這幾年我們沒有出國，更加沒有去韓國，所以Fit咗靚仔咗都是因為運動多了，準備咁耐終於可以上紅館騷畀大家睇，草蜢2.0 版！」會否台上騷肌？他們笑笑要賣關子。
