胡鴻鈞（Hubert）日前在廣州舉行首場內地個人音樂會《The Day到此．開始巡迴音樂會》。Hubert在音樂會使出渾身解數，以靚聲回饋歌迷，亦多次和現場的粉絲互動，其臨場發揮的幽默感，更獲粉絲稱讚有做楝篤笑的天分。
Hubert感激廣州歌迷為他花了不少心思去製作應援物。他說︰「最感動係門口放咗好多個應援易拉架，覺得佢哋好有心，知道當中除咗有歌迷會之外，亦有獨立fans自己去整，所以都好想多謝佢哋每一位。」
Hubert以往在香港開騷時也有向粉絲Show肌，所以在今次音樂會中，當然也有不少粉絲起哄想看他除衫，不過Hubert則笑言自己要轉行才能滿足粉絲，他說︰「唔知係咪大家都覺得音樂會或者演唱會，都會有呢個除衫環節，因為喺香港開騷時試過著好少衫跳舞，但係今次呢個巡演就冇呢個打算，因為想以歌會友，想大家專注返去我唱歌先啦，遲啲有機會嘅，大家等吓啦。現階段就聽住我嘅歌先，睇我著晒衫嘅樣就OK喇，哈哈！」