陳茵媺為復出訓練子女獨立 陳豪揭老婆努力運動減肥

陳豪表示太太陳茵媺八月尾復出為TVB拍劇。

郭晉安、陳豪、馬國明、胡定欣、唐詩詠、張曦雯等，今日於銅鑼灣為新劇《白色強人II》宣傳，陳豪表示太太八月尾復出為TVB拍劇，「太太終於復出喇，佢真係差不多十年無喺TVB拍劇，佢咁多年夢想係演戲，唔好抹殺佢才能，佢係一位好好演員，只係當年我喺佢事業算最高峰時，拉佢去結婚生仔，所以我今次好支持佢復出，況且我哋仲可以一齊拍劇，但咩角色就等公司再公布。其實TVB搵過佢好多次，但因為之前小朋友太細，佢想以家庭為先，現在小朋友長大了，比較穩定，佢又可以繼續追夢，我當然都替佢高興，太太現在每日好努力做運動減肥，睇劇本，希望以最好一面呈現給觀眾。」

+1

三兄妹慢慢學習獨立，「小朋友有少少唔習慣，媽咪都要花唇舌，去同佢哋解釋，現在都開始訓練佢哋，媽咪有時候會不在家，等佢哋慢慢習慣，因為都要拍四個月時間，差唔多拍到聖誕節。」

陳豪表示小朋友有點不習慣，但也要三兄妹慢慢學習獨立。