無綫劇集《回歸》，除了區耀祖（郭晉安飾）與鄧麗娟（陳煒飾）的感情線成網民關注重點，新生代演員吳偉豪與游嘉欣的「互動」亦看頭十足。昨晚（15日）劇情講到游游飾演的安若彤，因為區家謙（吳偉豪飾）於其生日前夕讓她訂位食飯兼說了一句「著靚啲」，不但表錯情、更因而引發超尷尬場面，最終要落荒而逃。對於純情彤彤慘遭滑鐵盧，網民紛紛留言替其不值：「做乜無啦啦叫人著靚啲」、「又問人聽日係咪生日，又叫人聽日Book位」、「老闆表達能力勁差，拖出去！」雖然家謙累彤彤「食檸檬」，不過由於這位老闆對私人助理不乏欣賞和關心，二人互動亦見甜蜜，所以「謙彤CP」成功入屋，有網民更提議：「開套愛情片俾佢哋啦！」
吳偉豪與游游合作，大讚對方專業兼轉數快：「有時會即場喺劇本上加啲改動，游游都即刻可以配合到。」吳偉豪又透露與游游最難忘的場口，是第三集以航拍機拍攝的辦公室戲分，因為畫面太唯美：「我同游嘉欣cut機之後冇Playback睇，所以當時其實係唔知自己拍咗啲乜。」
雲集四小花與三小生的《回歸》，吳偉豪算是三位新生代男生中討論度較高一位。現年只有24歲的他，劇中架起眼鏡飾演IT公司主席兼行政總裁一樣有說服力，雖然有部分網民認為他的演技有待改進，但也有人讚他顏值高：「戴咗眼鏡好有型！」、「好靚仔，值得捧！」網民又讚他應付「水蛇春」對白有一手，吳偉豪坦言在對白方面下了不少功夫：「真係要花好多心機去背熟佢，實質用咗幾耐去背真係冇計過，總之每日一有時間就重複係咁練，不停講講到順為止。」
監製林志華（阿Lam）則坦言一早鎖定吳偉豪及周嘉洛做兩兄弟，並指吳偉豪是「標準小生外型」：「高大英俊又靚仔，加上我知佢讀過國際學校，有嗰種留學生嘅感覺，變相好適合演呢個角色。」阿Lam還大讚吳偉豪很勤力：「啲長對白佢落咗好多功夫，講出嚟唔單止唔似背書，仲都幾有戲味，係值得讚嘅。」
