現年32歲的簡淑兒於一二年參選港姐入行，她曾與許雅婷、袁紫僑和溫心組成女子音樂組合「少女標本」，入行10年拍過不少作品，包括《踩過界2》、《愛回家之八時入席》、《智能愛人》、《C9特工》等等，當年在劇集《迷》飾演田蕊妮女兒，仲要兜巴星阿媽，角色亦受到觀眾注意。
近日她宣布離開無綫，在接受林柏希主持的節目《月傾會》訪問，她表示決心要跳出舒適圈，「十年前的我，也是因為跳出自己的comfort zone，才會入到這一行；十年之後，不如再試試跳出comfort zone，看看會不會有更多進步！來到這個位，自己好似stuck住咗，所以想跳出去囉！」
今次決定離開無綫，男友麥大力亦表示支持，二人拍拖至今已經超過一年，有傳聞指她離開無綫，是為了方便跟本身為機師的男友，在通關後周圍飛？她說：「據我所知，佢仲未飛返㗎，因為都仲係封緊關，所以佢都仲未飛到，而且佢都仲係（無綫）合約演員！」
一直有傳簡淑兒係有錢女，屋企好富貴，加上整容話題一樣傳足多年，簡淑兒沒好氣說：「由我一入行到依家，選完（港姐）出嚟就已經咁講，其實我已經答過無數咁多次，我已經唔想再答喇！如果要繼續講，呢個當然我控制唔到，但係我就選擇咗唔會再答呢個問題！」
