黎明上月推出《眼睛想旅行》2022新版《全身想旅行》，搵嚟由林日曦重新填詞，歌詞講出大家冇得去旅行嘅心情，至今歌曲點擊已經144萬。
相隔一個月，今日凌晨黎明再次無預警推出全新歌曲《Good Luck》，同樣由林日曦包辦曲詞的新歌《Good Luck》，用溫暖歌聲為大家打氣。Leon說：「作為音樂從業員的我，我只能嘗試用音樂去為大家帶來一點輕鬆及共勉，大家保護好自己及家人，心靈互相打氣同High Five，Good luck ！」
歌詞唱出現時港人的心聲，「沒陽光的一日 太難的不必堅持」、「已病倒 先休息 再試」、「苦盡甘到了又苦」相信很多人都有共鳴。林日曦透露新歌只用咗30個鐘完成，「話說前幾日，Leon想要一首歌，簡簡單單，同大家講聲good luck。呢排大家身心都攰，人人面對唔同問題吧。」
兩人收線之後，林日曦馬上錄咗一個demo畀黎明，「成件事，由佢打俾我開始，到完成晒成首歌，加加埋埋唔夠30個鐘頭。」林日曦仲話：「希望大家去聽完Leon呢首新歌《Good Luck》之後，好快就有luck。Good Luck to you。」
