無綫推出全新綜藝節目《不可能任務》，讓16名藝人分別接受「動作特技考驗」及「特警遴選體驗」兩大挑戰，由香港動作特技演員公會會長錢嘉樂，及國際級動作導演林迪安精心安排龍虎武師基本功訓練，包括對打、高空跳下及跳躍翻騰。
戴祖儀（Joey）在上集因為自己的表現未如理想，自責落淚，昨晚（11/02）播出的最新一集，她跨欄時更因著地踩錯位而拗柴，Joey初時稱沒有大礙，但錢嘉樂與林迪安仍很擔心，嘉樂立即請工作人員找來冰塊幫她舒緩，林迪安則嚴肅地說：「我講過幾多萬次，叫你哋唔好踩呢度，點解講極你哋都唔聽同唔明？作為武指，我會覺得好慚愧。明知咁樣，都俾人整親嘅？」Joey經隊友們勸說後不再逞強，坐到一旁休息，之後因慚愧而落淚，委屈地說：「我唔係唔認真。」林迪安即上前安慰：「你唔係唔認真，我睇到你係好認真，但呢個受傷真係唔抵。」
Joey之後在社交平台提及受傷之事，自嘲：「清脆！俐落！流暢！以後叫我霹靂儀！」她表示沒想到第二集便受傷，「本身仲諗住死頂冇事，點知原來幾傷，但其實我喊唔係因為痛，而係覺得好自責，覺得自己好無用，好心傷，但會喺錯誤中成長，然後成為一個武打巨星！喺邊度跌低就喺邊度企番起身！」她又貼出一張腳踝腫得如豬蹄的照片，並說：「到底下一集仲會唔會見到我？」
