上周在北角發生野豬咬傷男輔警事件，漁農自然護理署日前下達「殺豬令」，採取行動捕殺市區出沒的野豬，於深灣道以食物誘捕並人道毀滅7隻野豬，但誘捕行為引起各界質疑。
歌手張敬軒昨日在社交網發文，指人類與野生動物共同生活是在石屎森林中的一種生活方式。軒仔在限時動態上傳在大宅外拍的影片，片中有兩隻野豬在馬路上走動，他透露自己有兩隻野豬鄰居，平時都好享受與同野生動物共存：「我嘅鄰居，除咗有一班好鐘意開Party既外籍人士、樓下教授梁夫人以外，仲有箭豬仔一家大細、黃麂兩隻、野豬兩公婆阿梅同強、我鐘意、亦都好享受呢一種人類同野生動物一齊共存嘅生活方式，你知嘛，唔係度度都有架。呢啲生態資源亦都係呢個國際都會兼石屎大森林入面珍貴既一種生活方式。」
軒仔又指要解決問題不只得殘忍的方法，「所謂辦法總比困難多，只要肯去諗，冇話冇。我會同阿強兩公婆講，你要保護好自己同啲細路，唔好成日四圍走喇。我都唔明，其實我哋作為眾生之一，又有乜嘢權去任意呢個屬於彼此既棲息地。」
而MIRROR成員 AnsonKong 亦有感而發，向來愛皆動物的他，貼出一張人類與魚群同於海中暢泳的照片，並寫道：「生命平等，在地球上，每個生命都應該有權利去生存。」
部分圖片來源：明報、 張敬軒、Anson Kong@Instagram
