陳展鵬自從囡囡小豬比出世之後就化身女兒奴，不時都會喺IG晒女。小豬比已經兩歲幾，所以展鵬近日幫囡囡報學前班，等佢認識更多新朋友。
陳展鵬
陳展鵬日前出席新劇《童時愛上你》活動時指劇集拍攝得算舒服，所以自己可以陪伴囡囡小豬比返學前班。佢表示第一日帶囡囡返學感覺好特別，面對父女第一次分離，老師都好嚴陣以待。回憶震撼畫面，話入到班房更刺激，好多小朋友一齊喊，小豬比都有喊埋一份，講笑話感覺好似有幾十個產婦要生咁。
陳展鵬話老師教佢哋唔好回頭望，要即刻走，但因為驚小豬比會嬲自己，所以買咗佢最喜歡嘅士多啤梨。佢又爆太太（單文柔）唔捨得囡囡返學，忍唔住眼濕濕。
圖片來源：陳展鵬、單文柔＠Instagram
