為響應奧運熱潮，TVB製作《明星運動會》炒熱奧運氣氛，唔少有運動底子嘅藝人仲喺節目入面大顯身手。
明星運動會
陳展鵬日前喺《明星運動會》代表藍隊出戰乒乓球賽。身為前港隊乒乓球代表嘅陳展鵬，令所有人都異口同聲咁話最驚喺比賽遇上佢。陳展鵬則講笑話「佢哋敬老啫」，展鵬喺八強比賽對朱匯林獲勝，之後接受訪問嘅時候話佢估唔到公司都臥虎藏龍，大讚其他參賽者發到球又接到波，當然唔少得讚下自己：「今日好多高手，包括我啦」。
點擊睇更多《明星運動會》精采片段：
陳展鵬喺四強比賽遇上號稱「體能怪物」嘅伍禮騫，以21:12獲勝，決賽係姚宏遠對陳展鵬，姚宏遠之前透露過自己學生時期係乒乓球校隊隊長，打過學界乒乓球比賽，不過都謙虛咁話自己冇展鵬咁勁，實力有一定差距，展鵬最終以21:3奪冠。
陳展鵬熱愛打乒乓，13歲被發掘去銀禧體育學院接受訓練，佢仲加入過香港青年隊及港隊。可惜因教練離開球隊，慢慢就冇心機打落去，所以就放棄打乒乓波轉戰娛樂圈。
圖片來源：my TV SUPER(www.mytvsuper.com)、陳展鵬＠Instagram
