陳展鵬老婆單文柔（Phoebe）今個月31歲生日，陳展鵬一早已計劃好帶埋老婆同小豬比去迪士尼staycation，昨晚Phoebe終於喺Instagram post相，同大家分享一家三口玩得有幾開心。
單文柔︰「我哋第一次喺迪士尼Staycation！日頭玩得好開心，晚上有好好休息。感激陳展鵬的安排，食美食食到肚仔好飽了。」而幾段片入面小豬比都玩得好開心，一時俾媽咪抱住玩旋轉木馬，轉過頭又拎住支米奇造型燈玩，同爸爸玩「小小世界」更加表現興奮，一定玩得好開心喇 ~！
圖片來源︰陳展鵬、單文柔@Instagram