《2021香港小姐競選》12強佳麗已經誕生，各位佳麗各具專長，堪稱臥虎藏龍，當中8號的宋宛穎（Sabina）更是精通各類舞蹈，如芭蕾舞、中國舞、爵士舞、Hip-Hop、拉丁舞、宴會舞及古典舞，對Girl style的爵士舞及現代舞亦薄有研究，全因她有很強的表演慾，雖然為人慢熱，但喜歡在鏡頭前載歌載舞，更因為有機會上電視而到薛家燕藝術培訓中心學跳舞，她說：「因為嗰時話喺嗰度學係可以上《歡樂滿東華》同埋兒童節目架嘛，我好記得我係上過2010年嘅《歡樂滿東華》！」Sabina曾於11年前參與《TVB兒童節之天才大匯演》，結識了當時一起表演的《聲夢傳奇》學員潘靜文。
另外，梁凱晴（Carina）同樣是舞蹈狂熱，自小就開始學習西方舞、中國舞與拉丁舞，表示：「我享受好多女仔去完成一個表演，好有成功感，又可以大家一齊影靚相。」除了喜歡跳舞，攝影也是Carina的興趣，皆因熱愛旅行，過往總愛拍攝風景照，構圖具藝術色彩，她說：「我嗰時喺英國讀書，所以喺假期嘅時候去咗好多地方旅行，見到靚風景就會影低自己留念。其實我唔係好叻，不過我鍾意影風景相，特別鍾意由高處望落去一覽無遺嘅感覺，好舒服。」
至於被視為賽前大熱的陳聖瑜（Yvette）同樣興趣廣泛，4歲便開始進行各種培訓，行catwalk、拉丁舞、街舞、古箏，12歲便成功考獲古箏的8級資格，是學校的古箏校隊，曾為校內的樂團擔當「領彈」，更有意加入香港中樂團，但最後因專注學業而打消念頭。
