《新城勁爆頒獎禮2020》昨日於網上直播舉行，MIRROR成員陳卓賢（Ian）獲頒「勁爆人氣偶像」，但因工作關係未能現身，只以錄像形式分享得獎感受。同日，有報道卻指他與模特兒盧慧敏出現在中環碼頭，結伴往坪洲，引來戀愛大過天的指控。
昨晚深夜，Ian透過IG撰文為事件解畫，表示：「私事一向都不回應，因為想大家關注係我工作、作品。但今次涉及我工作態度，我想自己回應一下。多謝大家關心，睇到報章話我聲稱自己拍劇唔去頒獎禮而係去拍拖，想講少少。首先，劇集嘅拍攝一早已經完成，而我請假係早喺一個月前請咗，原因係屋企人有事，處理該事嘅時間係同頒獎禮相撞，對外講話係因工作未能出席係覺得關乎我屋企人嘅事無必要公開講太多。我嘅工作態度一直無變，仍然係想做好每一個作品比大家聽，俾大家睇。祝大家新年快樂！」
圖片來源：陳卓賢、盧慧敏@Instagram