Advertisement

【金像女情】毛舜筠拍《情聖》觸動女性尊嚴 「覺得好委屈」

本地
2020.04.09

screen-shot-2020-04-09-at-3-03-19-pm

由何嘉麗主持的ViuTV節目《金像女情》,將於本周日(12日)播出訪問毛舜筠一集,毛姐談及數十年的演藝事業,由最初外界以為她只演文藝片及至喜劇。毛姐說當年第一次拍喜劇就遇上周星馳,日日對住他,很快便投入到。

與周星馳拍《情聖》
與周星馳拍《情聖》

毛姐有多年來演喜劇的經驗,為觀眾帶來不少歡樂,不過她坦言要做到喜劇效果時,也觸及了她的女性尊嚴,毛姐最記得當年拍《情聖》的一幕,「要我裝40F,首先塞100個胸圍,我唔介意,因為講我妒忌葉子楣,但要我仆倒喺書檯,胸前插晒筆,但筆係會亂嘅,亂咗之後就好多人行埋來,喺我呢個位(胸前)郁下,我就覺好委屈!好似俾人上下其手侵犯咁, 而且大家眼光都注視我呢度,好唔舒服 ! 」毛姐說抑壓的情緒,當回家後就爆喊 ! 不過電影上畫時,見觀眾的反應十分好,很有喜劇效果,做演員真是很無奈。

葉子楣擁惹火身材
葉子楣擁惹火身材
戴上100個胸圍
戴上100個胸圍

screen-shot-2020-04-09-at-2-55-31-pm

screen-shot-2020-04-09-at-3-02-50-pm

毛姐於2006年憑《早熟》獲得香港電影金像獎「最佳女配角」, 到2018年《黃金花》飾演阿媽角色才在香港電影金像獎勇奪「最佳女主角」。「等咗好多年,係唔忿氣,同我一齊出來嘅都攞咗,仲未到我 ! 但演員係好被動,有好劇本都要有好班底,更要個好對手 ! 所以當接拍《黃金花》時,知道做我阿仔嘅角色係好緊要,就高度推薦凌文龍 !」

screen-shot-2020-04-09-at-3-02-43-pm
毛姐拍戲多年,一直重視演員要守時,要熟讀劇本。「但而家有啲演員嘅新一套諗法,唔需要睇劇本,但呢一套對我個人來說係唔得嘅 !」問到現今影壇她可有看好的喜劇演員 , 毛姐就即時想起王菀之,讚她有節奏惑,好聰明好特別的女仔。

姜濤 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹