喺香港地做藝人成日都話要好天斬埋落雨柴，而近排大台喺拍大型節目方面都開始行緊呢條路線，例如上星期六晚播出的《勁歌金曲頒獎典禮》一早已經喺下午時間進行拍攝，以確保播出街時萬無一失。據知今年的賀年節目已於日前拍攝完畢，而今次漏口風者竟然是阿姐汪明荃？
走在潮流尖端的汪阿姐自從發明了汪阿tag之後，就好似一般年輕人咁，見到咩開心事都會即時upload 上Instagram。噚晚汪阿姐又update Instagram 喇，但今次手快快又刪咗，到底所謂何事呢？
大家冇睇到唔緊要，因為作為汪阿姐粉絲之一的小編梗係有mon 實汪阿姐所有動態，佢昨晚個幾張相其實係講緊TVB已經錄影咗將會喺年初一出街嘅《金鼠賀歲迎新春》節目。未雨綢繆係一件好事， 唔知大家又點睇呢？
圖片來源：汪明荃@Instagram