恭喜子善榮升爸爸！子善今日凌晨報喜，宣布太太董佩欣（Kary）順利誕下囡囡，佢表示Kary喺冇麻醉下順產分娩，母愛實在太偉大！子善寫道：「媽咪超級無敵勁⋯⋯冇麻醉順產分娩，極速0至10度50分鐘小乖乖出世。由懷孕到小乖乖出世，成個過程歷歷在目。長大後可以唔錫爸爸，但一定要錫媽咪。」
愛女出世後，子善再次發文感謝大家，仲話俾太太感動到哭成淚人，「再次多謝咁多位嘅擔心母女平安，超能老婆50分鐘內完成整個分娩過程，去到最後話唔用無痛分娩，當堂眼都突埋出嚟。母親嘅偉大令到我變成豬頭哭成涙人，多謝咁多位嘅集氣。」
圖片來源：林子善、董佩欣@Instagram