溫碧霞（Irene）向來喜歡陽光與海灘，近日她與老公Kenny撇甩囝囝Xavier，飛抵峇里島享受二人世界。Irene還向粉絲大派福利，騷出火辣三點式。
而Kenny就親自操刀為老婆影靚相，恩愛程度簡直羡煞旁人，Irene大讚老公的攝影技術，「佢係我哋家庭的攝影大師，我哋好多家庭相都係Kenny影，佢對影相好有興趣，仲好有研究，影得好靚。」
Irene又透露峇里島之旅後，將會飛往美國紐約探望Kenny的家人，齊齊歡度聖誕。Irene回望過去一年，她表示很滿意今年的工作成績，「出咗寫真集，口碑同鎖量都好好，電影成績都好滿意，《墮落花》又參展咗幾個影展，仲有新片《嫌疑者說》又攞咗《金雞百花獎2019》十大優秀影片，商演亦冇停過，仲賺多過上年，所以我係非常滿足，希望2020年人人都有工開，大家都健健康康，一切順心。」
