《BACK 月黑風高旺角夜 麥潔文MUSIC 2019》於今晚(16號)假麥花臣場館舉行，Kitman先以《ROCK ME》、《勁舞Dancing Queen》、《愛跳舞的少女》為歌迷熱身，旋即進入握手位，邊唱《眼看手勿動》、《電光霹靂舞士》邊和台下觀眾握手合照，氹得觀眾好開心，又唱又跳的Kitman活力十足，唱完六首快歌後，她說要休息一下，請個幫幫唱來幫手，女兒陳薔天隨即出場唱出國語歌《兄妹》，唱功極具實力，觀眾反應熱烈，不斷拍掌支持，其後她又與媽咪合唱《至少還有你》，薔天提到媽咪醉心畫畫，有次看到在畫了一個天藍色的小圓形，媽咪問她聯想到什麼，她隨意說是多啦A夢，第二日就出現一幅佈滿多啦A夢背影，在最頂位置有一張多啦A夢正面的畫，「人的想像力可以靠努力呈現出來，對我來說這件事是很特別和有power，喺度我好想同媽咪講聲多謝！」
Kitman形容畫畫更是她近幾年的「第二春」，最近設計了一個叫Lokman的公仔，樣子怪怪地，皮膚黑黑，大細眼，唔靚仔，但成日四萬咁口笑，我想話俾大家知道，最緊要開心，唔係在乎你的外表有幾靚，幸福有幾多，我們的幸福是從心出來，多點笑容，多點正面能量就已經好開心。」
Kitman在一輪勁舞後原來高跟鞋斷踭，被迫著boot出場，她又透霞試過演唱時成個鞋底脫掉，觀眾叫她減肥，她說老公唔俾且嫌她太瘦，又提到做專業人妻有三大法則的其中兩點，「應大就要大，應細就要細，要大的是胸襟，而不是胸圍，應細的是細心，男人的粗心大意女人可以補位，不過我同老公係相反，」
除了女兒和學生外，是夜當然還有江華做嘉賓，二人合唱《Miracle》，觀眾立即起哄，唱畢Kitman即話呷醋，話江華一出現就會成為焦點，台下觀眾大讚他靚仔，「我到咗呢個年紀仲話我靚仔，我會好慚愧，呢啲說話細路仔都唔信，去到呢個年紀係講型，所以唔好再講靚仔。」江華獨唱一首《追》，再與太太合唱《分分鐘需要你充》期間仲讚Kitman今晚好靚，係觀眾話，再補充:「你平時都好靚，唔係淨係今晚！」真係sweet到爆炸。
