曾志偉兒子曾國祥與女友王敏奕拍拖6年，今天他們宣布結婚了！兩位新人今日仲一反傳統唔show鑽戒，齊齊喺Instagram post咗張愛的紋身照呢！
早前傳出二人會在日本秘婚，但一直沒有對外回應，今天二人以行動同大家講王敏奕已經做咗曾太。從照片中可見，曾生抱起曾太開懷地笑，但說好的鑽戒呢？小編放大張相10倍都見唔到任何閃令令嘅物體出現，唯獨見到王敏奕手指上有三間黑色，唔通買咗黑色嘅戒指？
再碌落下一張相，原來王敏奕手指上的黑色三間不是實體婚戒，而是愛的紋身。曾生想到以洗不掉的紋身作為愛情信物，實在比鑽戒更有一生一世的感覺，認真浪漫，曾國祥還在照片留言：「Just get hitched!! 多謝各位兄弟姊妹和記者朋友們的祝福和問候！感謝每位祝福我們的人！感恩！ 」
圖片來源：曾國祥、李詩卉@Instagram