余香凝（Jennifer）近日放大假，與媽咪同胞妹余潔瀅（Zoe）飛往外地旅行。三母女去到希臘雅典，並到當地參觀雅典衛城。
而Jennifer兩姊妹見咁宏偉嘅歷史建築，當然捉緊機會影返幾張女神相。
今日（10日）Jennifer喺Instagran分享多張照片，並表示今次係首次三母女一齊去旅行，佢每張都露出燦爛笑容，睇嚟十分享受旅程；而Zoe亦貼出美照，表示十分滿意姊姊嘅作品：「余大大影得我好靚。」又請網民投票，幫佢揀張靚相做頭像照。
希臘天氣晴朗、陽光普照，Jennifer同Zoe趁機以熱褲上陣，齊齊大曬美腿。兩姊妹嘅長腳雖然吸睛，但不少網民都將焦點余媽媽上，大讚佢基因強勁，「三朵金花喎」、「余媽媽好嘢！三母女，好似三姊妹一樣都咁靚女。」見余媽媽身穿吊帶花裙，露出纖瘦手臂及美腿，充滿青春氣息！
圖片來源：余香凝、余潔瀅@Instagram