董敏莉(Monie) 榮陞媽咪後 ，一直專心照顧愛囡莊子子（Martha），日前Monie特別為子子搞Pizza百日宴，同家人齊齊慶祝。
Monie笑言囡囡有個包包面，用Pizza主題就最適合：「其實都係家人食飯，大家都係志在見吓子子，佢呢晚表現都唔差，俾陌生人抱都冇詐型，睇嚟佢遺傳咗我外向的性格。」
Monie不時喺社交網分享子子嘅照片，不過就成日笑佢似男仔。
所以Monie喺Party上，幫子子帶番個喱士頭飾，不過囡囡似乎唔鍾意，幾經掙扎自行脫掉：「其實佢一百日人仔，都已經好有性格，唔鍾意都逼佢唔到！可能佢好貪靚，覺得今日造型唔多襯，睇嚟爸爸要努力搵錢俾我哋買衫Shopping，滿足我哋兩母女購物慾喇。」
Monie仲大爆子子於百日宴上收穫唔少，成為「小富婆」，又話會幫佢儲起利市留待做嫁妝：「我同老公都講咗大家不要做禮和送禮物，不過大家好疼錫子子，當中還有不少首飾，會好好收藏，希望子子將來金銀滿屋喇，到時我抱孫俾佢一代傳一代！不過我都唔敢諗太多，依家已經覺得佢大得好快，有啲唔捨得啦。」
部分圖片來源：董敏莉@Instagram