薛家燕出席《2024風山水起》宣傳活動，雖然未到新年，但大家已急向家燕姐拜年，難怪她笑言今年真係唔知準備幾多封利市？「今年都會準備利市，派利市係一種褔氣，今年暫時我換左十萬八千八百蚊封利市，每年都會攞個意頭，但上年好快派晒，重要額外換多兩萬蚊，今年都預咗需要再額外換錢。」
家燕姐去年跳唱《FLOWER》，神還原「開花舞」獲網民力捧紅出國際。近日她推出2024賀年歌，與馬來西亞國寶級歌手茜拉（Shila Amzah）首度合唱的賀年歌《有有有 Year Of The YO!》，用上廣東話、普通話、英文及馬來西亞語四種語言獻唱，以洗腦式動作兼狂唱30多次「有」字，兼「我真係恭喜你呀」，家燕姐說：「茜拉唱完後真係有咗（懷孕了），所以絕對是一首相當有意頭的歌。初八我將於澳門舉行演唱會，她都會由馬來西亞飛過嚟做嘉賓，而且我重邀請了很多嘉賓，佘詩曼、陳慧嫻、陳小春、周柏豪、黎耀祥等，算是近期最強勁嘅演唱會嘉賓陣容。」
