剛奪得「最受歡迎電視女角色」的陳煒，今晚筵開十圍請《宮心計2深宮計》的台前幕後人員食飯慶祝；獲得「最受歡迎電視男角色」的馬國明就同女友黃心穎出席，兩人更大方合照，當拍大合照時，馬明更被玩，問佢有無特別事宣布？令佢相當尷尬，唯有捉實身旁的煒哥說：「我同煒哥結婚呀！」急急打圓場。
煒哥表示劇集令自己人氣急升，廣告及活動亦增加不少，有意置業做業主，「之前都有試過入票買樓，但抽唔到，嚟緊都會再試下入票，希望成功，自己依家都係租屋，都想做業主，攞嚟自住！」
今晚煒哥包食，馬國明都湊湊熱鬧，拿出五位數字的現金抽獎，希望台前幕後的嘅手足食得開心，玩得盡興。
