黃妍（Cath）新歌《異地書》是一首關於思念的歌曲。今次新歌MV，對於Cath來說是一大突破，因為向來手腳不協調的她，今次竟然要跳舞！
回想起導演的要求，Cath也覺得自己好大膽，她特別找來城市當代舞蹈團成員之一的喬楊學跳舞：「導演Pazu建議用肢體動作將思念情緒表達出嚟， 然後經過商討，我哋選擇跳現代舞，而MV裏面4個角色，分別係青豆、天吾嘅年輕同年老版，我哋都要跳，而我因為有喬媽（喬楊）嘅加入，我真係容易啲跳到。」Cath在MV中，還有一個獨舞的部分，令她甚為困擾，她解釋道：「真係好難，首先係信心問題，跳起上嚟感覺尷尬，同埋拍攝當日喺沙灘係超級爆凍，結果我有環境演技，鼻已經凍到紅晒，眼又有淚水，同埋身體凍到不停顫抖，將思念嘅情感完全釋放出嚟一樣，沉鬱情緒好出，所以成件事算係容易咗。」
Cath更表示在陶藝室拍攝的一幕十分難忘，因為她要坐下黐貼破爛了的瓷器，然後喬媽先在旁邊起舞，再引導Cath去修復陶瓷，感覺就似一個年老的影子在伴隨着，Cath非常滿意出來的效果！
