蔚雨芯（Rainky）在無綫劇集《靈戲逼人》飾演張振朗女友Karen，難忘與張振朗Kiss戲勁多「觀眾」，搞到面紅。至於與李日朗的牀上戲更是緊張，還要擔心走光。
與「女鬼」龔嘉欣有不少對手戲，Rainky大讚嘉欣「話喊就喊」：「佢啲眼淚一嚟就好似鑽石咁跌落嚟。」還有嘉欣飛上車頂坐順風車回家一幕，Rainky跟網民一樣大讚有新意，但原來實質拍攝相當大陣仗，由嘉欣疾走街頭追車、到跳上車頂、愉快夜遊再平安返家、短短2分鐘戲拍了足足兩晚通宵。
嘉欣受訪時透露單是街頭喪跑已跑足4小時，並說由跳上車頂一刻開始，整個場口劇組都要求吊威吔確保安全，又安排了替身拍她跳上車，其餘都是她親自企車頂拍攝。嘉欣笑言首次以如此特別方式看夜景，感覺特別自由愉快涼爽，也很難忘：「知道有呢場戲時，開頭係興奮嘅，但係到拍攝時都真係有啲驚，因為始終架車係喺行駛途中，轉彎時都驚會跌，要紮馬。拍嗰時係夏天，真係好熱，喺車頂上邊好涼爽，可以乘機抖涼。」
